KOMIKIA
Komiki ganberro honetan rola antzinako arte martzial eta filosofia sakona da: Rol Fu deitua. Makina Kixki gazteak ez daki ondo roleatzen, horregatik mundura aterako da Rol Fu ezagutzaren bila.
Bidean, euskal kulturako pertsonaia ugari Rol Fu maixu handiak direla aurkituko du. Haien laguntzarekin rolaren funts garrantzitsuak barneratuko ditu: halabeharraren pisua eramaten ikasi, jakinduria zaharra eguneratu, pikoteo gozo baten garrantzia ulertu…
Irakaspen horiek ez dira errazak izango, baina aurrera egin ahala gure protagonista Rolfulari boteretsu bilakatuko da… arriskuak irensten ez badu!
ROL JOKOA
Arau pila ikasi beharrik gabe barre batzuk bota nahi dituen edonorentzako joko aparta da, rolean inoiz aritu ez direnak nahiz beteranoak. Joko honek rolaren esentzia biltzen du oso arau errazak erabiliz.
Zure pertsonaia nolabaiteko friki bat izango da: sofakumea, kirolzalea, influentzerra… Baina beti ere Rol Fu ikaslea. Hiru ezaugarri nagusi izango ditu bere baitan:
- Forma fisikoa: gorputz landua, indarra eta abilezia
- Jeta: garun landua, ezagutzak eta bizkortasuna
- Itxura: xarma landua, besteenganako eragina
Hiru ezaugarri horiekin, bere gaitasun eta ahultasunekin, eta Rol Fu-aren laguntza piska batekin, abentura “oso lokoak” bizitzeko aukera izango duzu!
“Makina, entxun, lagundu nahi disut! Komikia goso-goso dago baina suk ere Makina Maixu besala isan nahi dusu, ser egingo dusu? Lasai, su ere Rol Fu teknikaren ikasle bihurtuko sara eta Makinabertsoan sure abenturak bisi ahal isango ditusu!”
Makina Maixu RPG
Generoa | Garaikidea, Ganberroa |
Sistema | Sistema propioa |
Zailtasuna | Oso erreza |
Egileak | Txerren, Eneko Azedo, Garazi, Zuhaitz, Imanol Etxeberria eta Noemi Gallego |
Argitaletxea | Autoekoiztua |
Urtea | 2022 |
Azala | Malgua |
Formatua | Laukia (150 x 150 mm) |
Koloreak | Txuribeltza eta kolorea |
Orrialdeak | 74 (48 komikia + 26 rol jokoa) |
Deskargak
Informazio gehiago
Makina Maixu 1: Rol Fu-aren bidea
Komikiaren lehen alea eta MMrpg rol jokoa
Makina Maixu 2: Rolari maltzurrak
Komikiaren jarraipena eta MMrpg rol jokorako abentura eta gehigarriak