Azken urteetan bezala, aurten ere Rolariak Durangoko 59. euskal liburu eta disko Azokan izango gaituzue, Abenduaren 5etik 8ra.
Gure ohiko joko/jolas/jokolas eskaintzaz gain, aurten nobedade berriez gainezka gatoz. Besteak beste, primizia moduan iragarri dezakegu gure, Fanzine preziatuaren bigarren alea daukagula!
- ADUR Azken Erronka
- Centauri
- Makina Maixu 1 + 2
- Fanzinea 1 + 2
- Gudamailu
- Basagorriko Biztanleak (Abentura)
- Pastorola
- Zortzimilakoa
- Taroka
- Eta are gehiago…
Azoka jendez lepo egon ohi da eta gure postu supersonikoa zer esan! Aurten Informazio gune alboan aurkituko gaituzue, landa gune erdi erdian, Goienkale 028 postuan. Ez kezkatu baino abenturazale, hemen daukazu ziegan barrena bidea bilatzen abantaila emango dizun mapa sekretua.
Urtero rol jokoek geroz eta harrera hobea daukate eta honek pozaren pozez betetzen gaitu. Beste urteetako formula errepikatuko dugu Game Erauntsia lagunekin, Gamer Gelan Abenduaren 5ean. Egun osoan zehar, euskarazko bideojokoak eskainiko dituzte beraiek eta rol partidak guk. Ez galdu aukera eta zatozte rol jokoak gure eskarmentu handiko maizterren eskutik ezagutzeko! Hau gutxi balitz, gure postuan partida laburrak eskaintzeko proposamena daukagu egun guztietan zehar. Baliteke inkontzientzia izatea, baino ez al da hori gure nortasun zigilua?
Azkenik, jakinarazi nahi dizuegu aurten Farmazia Beltza lagunekin elkarlanean Zerocalcare irudigile italiar ospetsuaren azken komikia eskeiniko dizuegula. Ez al da hau kriston albistea!?
