Makina Maixu RPG – Rolariak

KOMIKIA

Komiki ganberro honetan rola antzinako arte martzial eta filosofia sakona da: Rol Fu deitua. Makina Kixki gazteak ez daki ondo roleatzen, horregatik mundura aterako da Rol Fu ezagutzaren bila.

Bidean, euskal kulturako pertsonaia ugari Rol Fu maixu handiak direla aurkituko du. Haien laguntzarekin rolaren funts garrantzitsuak barneratuko ditu: halabeharraren pisua eramaten ikasi, jakinduria zaharra eguneratu, pikoteo gozo baten garrantzia ulertu…

Irakaspen horiek ez dira errazak izango, baina aurrera egin ahala gure protagonista Rolfulari boteretsu bilakatuko da… arriskuak irensten ez badu!

Komikia argitaratu baino lehen egindako tirak kuxkuxeatu nahi?

ROL JOKOA

Arau pila ikasi beharrik gabe barre batzuk bota nahi dituen edonorentzako joko aparta da, rolean inoiz aritu ez direnak nahiz beteranoak. Joko honek rolaren esentzia biltzen du, baina oso arau errazak erabiliz.

Zure pertsonaia nolabaiteko friki bat izango da: sofakumea, kirolzalea, influentzerra… Baina beti ere Rol Fu ikaslea. Hiru ezaugarri nagusi izango ditu bere baitan:

Forma fisikoa: gorputzaren ahalmena, hau da, indarra eta abilezia
Jeta: buruaren ahalmena, hau da, ezagutzak eta bizkortasuna
Itxura: xarma, hau da, besteen gaineko eragina

Hiru ezaugarri horiekin, pertsonaia bakoitzaren gaitasun eta ahultasunekin, eta Rol Fu-aren laguntza piska batekin, abentura “oso lokoak” bizitzeko aukera izango duzu!

“Makina, entxun, lagundu nahi disut! Komikia goso-goso dago baina suk ere Makina Maixu besala isan nahi dusu, ser egingo dusu? Lasai, su ere Rol Fu teknikaren ikasle bihurtuko sara eta Makinabertsoan sure abenturak bisi ahal isango ditusu!”

Makina Maixu RPG

Generoa	Garaikidea, Ganberroa
Sistema	Sistema propioa
Zailtasuna	Oso erreza
Egileak	Txerren, Eneko Azedo, Garazi, Zuhaitz, Imanol Etxeberria eta Noemi Gallego
Argitaletxea	Autoekoiztua
Urtea	2022
Azala	Malgua
Formatua	Laukia (150 x 150 mm)
Koloreak	Txuribeltza eta kolorea
Orrialdeak	74 (48 komikia + 26 rol jokoa)